فى شباب كتير بيضحكوا على عقول البنات
وطبعا بتبقى البنت من دول يا عينى على نياتها وغلبانه
والشاب يلف عقل البت من دول
بكلمتين متقولش بيلف سجارة
طبعا ده بيبقى بسبب التربيه لكل من الطرفين
اولا البنت مبيبقاش عندها وعى كامل او نضج كامل عقليا انه تبقى فاهمه
ان الشاب ده بيشتغلها
(لغه عاميه)
بياكل بعقلها حلاوة وياريتها طحينيه لا حلاوة من امو ربع جنيه اللى محطوط عليها خل
ويعملها من البحر علبه طحينه وطبعا المسكينه تقع بقا فى شبكته
ويقعد يشتغلها
انا بحبكـ ..انتى فى بالى ..انتى قلبى ..انتى عقلى
وتلفونات بقا وترن ترن طول الليل وفى الاخر بعد ميوعدها بالجواز
يشقلطها 77777يعنى يقلبها
يعنى يسيبها ويروح لوحده تانيه بس ياريت البنت بتسكت بقا وتفهم انه كان ..ولا يسوى
لا تقعد تزن وترن وتعن عليه
حوار بقا
________________________________________
هى .......ايمن،،ايمن انت موش بترد على تليفوناتاتى ليه
هو ..موش فاضى
هى طيب انت عامل اية
هو..عامل بتنجان فى الفرن
هى ..انت متغير معايا ليه
هو ..بصى بقا من الاخر انا اكتشفت اننا موش حننفع لبعض وخصوصا انك طويله اوى
هى ...طويله اية انت بتقولى كده بعد خمس شهور كلام وحب بينا
هو ...فكك بقا من المسلسل ده انتى حتعمليلى فيلم هندى يا بت ومتتصليش هنا تانى
______________________________________________
زى مشوفنا الحمدلله انها جت على حد انه قلبها
كانت ممكن المسكينه تقع معاه ف غلط اكبر
ويضربوا ورقه عرفى ويقولها الورقه اللى معاكــى بليها ومتشربيش ميتها
لانها مكتوبه بحبر وممكن توجع بطنكـ
من الاخر
البنات متستسلمش للواد الكلامنجى واللى عامل فيها حبيب ده
لانه من الاخر
ميه من تحت تبن
الإثنين أبريل 19, 2010 4:42 pm من طرف 
